Mga tinugyanan sa City Health Office gipangulohan ni Dr. Sarah B. Talla nipahigayun sa ilang Information Education Campaign dinha sa Barangay Candau-ay kontra dengue ug COVID-19 ganinang adlawan.
Kini pinasubay sa mando ni Mayor Ipe Remollo nga pahugtan pa ang mga lakang batok sa pagkuyanap sa dengue ug COVID 19 dinha sa mga kumonidad pinaagi sa pagtudlo sa katawhan unsaon nga kanunay hinlo ang ilang lugar ug pagsunod sa local health protocols.
Ang pundok ni Doctora Talla nanghatag ug face masks, nag check-up sa panglawas sa mga lupyo ilabi na sa mga bata, gitudloan usab ang ang mga residente nga kanunay manlimpyo sa ilang palibot ug panimalay para walay kapuy-an ang mga lamok nga gadala ug dengue, magsul-ob ug face masks, likayan ang magtapok ug kanunay maghugas sa ilang kamot.
Dugang outreach ang ipahigayun sa lain pang mga barangay o sitio sa tibook siyudad sa Dumaguete.
Samtang padayun nga bukas ang mga health centers sa kabarangayan diin ang kagamhanang siyudad nagbutang ug mga nars, midwife, BHW, nutrition scholars ug bisan doctor para maatiman o magalam ang maayong panglawas sa mga lupyo ilabi na batok dengue og COVID 19.