Mga opisyales sa barangay Balugo pinangulohan ni Kapitan Glenn Noay nikuyog sa pundok ni City Health Officer Ma. Sarah B. Talla ug mga health workers sa pagpahigayun og information drive batok COVID-19 ug dengue ganihang buntag.
Kining kalihukan tipik ug kabahin sa paningkamot sa kagamhanang siyudad ubos ni Mayor Ipe Remollo para tudloan ang katawhan unsa ka importante ang paghinlo sa ilang panimalay ug palibot para luwas sa dengue ug sa kanunay nga pagamit ug face masks ug paghugas sa kamot batok COVID-19.
Nagpasalamat usab ang mga lupyo tungod kay nagpahigayun usab ug konsultasyon o check-up, nag apod-apod ug face masks, mga bitamina ug tambal ang taga City Health Office.