Mga health workers inubanan sa mga empleyado sa buhatan ni Mayor Ipe Remollo nipahigayun na usab ug information drive, konsultasyon ug pagpanghatag ug face masks sa mga lupyo sa Barangay Bagacay ganinang buntag.
Matud ni City Health Officer Dr. Maria Sarah B. Talla kining kalihukan gitumong para mapahibalo ang katawhan unsay buhaton para batokan ang dengue ug COVID-19.
Gitataw ni Dr. Talla nga kinihanglang hinloan kanunay ang palibot nga puedeng puy-an ug lamok, maghugas ug kamot, mogamit ug face masks aron malikay sa mga sakit.
Niapod-apod usab ang pundok ni Dr. Talla ug mga face masks ug bitamina sa mga lupyo ug kabataan sa Malangsuba, Bagacay.
Laing barangay na usab ang pahigayunan sa information drive ug konsultasyon sa sunod nga semana.