Mga tinugyanan sa City Health Office gipangulohan ni Dr. Ma. Sarah B. Talla, City Police ug Public Information Office, nagpahigauyun kagahapon ug house-to-house visitation dinha sa Barangay Poblacion1 (Tinago) kontra dengue ug COVID-19.
Gi inspeksyon ug gitudloan ang mga residente unsaon para mahinloan ang ilang mga kabalayan ug palibot ug malikayan nga kini balayan o itlogan sa mga lamok.
Gitataw usab sa pundok ni Dr. Talla nga kinihanglan mogamit gihapon ug face masks basta mogawas sa panimalay, kanunay maghugas ug kamot ug likayan ang mga tapok-tapok sa silingan o kaha banay.
Nanghatag usab sila ug mga bitamina ug tambal para sa mga bata human mopahigayon ug check-up.
Balikan pa sa grupo ni Dr. Talla ang Barangay Tinago samtang ipadayun usab nila ang kampanya sa lain-lain pa nga mga barangay para mas motuhop ug masabtan sa katawhan ang mga healthy habits nga kinihanglan karun tungod sa hulga sa atong kahimsog ug mga sakit.