Natapos karung adlawa ang pagpanghatag sa tag 25 kilos nga bugas dinha sa BARANGAY TACLOBO gikan sa kagamhanang siyudad sa Dumaguete nga matud ni Mayor Ipe Remollo ayuda taliwala niining krisis tungod sa COVID1-9.
Mga tinugyanan sa buhatan ni Mayor Remollo ang nangulo sa pagpanghatag sa ayudang bugas gitabangan sa mga opisyales sa Barangay pinangulohan ni Kapitan Roger Bohol.
Samtang mga kwalipikadong panimalay sa BARANGAY JUNOB ang takdang modawat sa bugas ugmang adlawa (BIERNES).
Kadtong lamang mga panimalay nga walay miyembro nga naapil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa tag 25 kilos nga ayudang bugas.