Mga kwalipikadong residente sa Barangay PIAPI ang nakadawat sa ayudang bugas gikan sa kagamhanang siyudad karung adlawa (Miyerkules).
Mga tinugyanan sa buhatan ni Mayor Ipe Remollo ang nag apod-apod sa ayuda gitabangan sa mga barangay opisyales pinangulohan ni Kapitan Charlemagne Bantilan.
Ugmang adlawa (Huebes), mga kwalipikadong residente sa Barangay TACLOBO ang takdang modawat sa hinabang sugod sa buntag dinha sa West City Elementary School.
Matud ni Mayor Ipe Remollo kining ayuda nga tag 25 kilos nga bugas kada panimalay alang sa mga naapektohan niining krisis tungod sa COVID-19.
Hinoon para lamang kini sa mga panimalay nga walay miyembro nga naapil sa Social Amelioration Program (SAP) ug Unconditional Cash Transfer (UCT).
Subling gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.