Mga kwalipikadong residente sa POBLACION 1 (TINAGO) ang takdang modawat sa ayudang bugas gikan sa kagamhanang siyudad karung Martes, samtang ang Barangay PIAPI karung Miyerkules.
Mga tinugyanan sa buhatan ni Mayor Ipe Remollo ang moapod-apod sa ayuda uban sa mga opisyales sa barangay para hapsay ang operasyon.
Matud ni Mayor Ipe Remollo ang tag 25 kilos nga bugas gikan sa kagamhanang siyudad kini isip tabang karung panahon sa krisis tungod sa COVID-19.
Kadto lamang mga panimalay diin walay miyembro ang naapil sa Social Amelioration Program or SAP o kaha UCT ang kwalipikadong modawat sa ayudang bugas gikan sa kagamhanang siyudad.
Gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.