Laing batch o grupo sa barangay ang takdang modawat sa ayudang bugas gikan sa kagamhanang siyudad sunod semana.

Matud pa sa buhatan ni Mayor Ipe Remollo adunay lima nalang ka barangay ang nabilin nga takdang modawat sa ayudang bugas.

Apan para lamang kini sa mga panimalay nga walay miyembro nga naapil sa Social Amelioration Program (SAP) ug Unconditional Cash Transfer (UCT).

Samtang nahatagan na sa hinabang nga bugas ang dul-an usa ka libo ka kwalipikadong panimalay sa Barangay BANILAD ganinang adlawa.

Matud ni Mayor Ipe Remollo kini nga ayuda alang sa mga naapektohan niining krisis tungod sa COVID-19.

Subling gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.