Isip pagsanong sa dakung hagit sa pag-abli sa klase karong umaabot Agosto 24, 2020 ang Dumaguete City National High School o naila sa pangalan nga “City High” madasigon nga nag-awhag sa iyang mga pinalangga nga mga alumni, sponsors, ug sa uban pang mga hingtungdan nga kami modawat sa inyong mga donasyon isip inyong pakiglambigit kanamo sa BRIGADA ESKWELA 2020 ug pagpangandam sa school year 2020-2022.

Ang inyong mga donasyon hain man niinining mosunod, sama sa computer set, printer, ink refill, ug bondpapers, mao ang gamiton sa Material Reproduction Kiosk (MRK) diin ang atong mga estudyante nga walay internet access makapa-printa sa ilang learning materials ug mga outputs.

Kini nga mga MRK pagatukoron sa nagkalain-laing barangay, sitio, ug mga purok sa Dumaguete ug silingan nga lungsod diin adunay mga estudyante sa City High.

Alang sa dugang kasayuran ug mga pamaagi sa inyong mga donasyon, palihog contact lang sa mosunod nga mga numero: Smart/TalkNtext: 09610195095 ug Globe/TM: 09534088955.

Kining pahibalo gikan sa Brigada Eskwela Advocacy and Marketing Officer Junrey Belando ug Brigada Eskwela Coordinator Desereh Alvarez ubos sa pagtugot ni School Principal Alden A. Rabina.