Tungod sa mga kakulian, karung Miyerkules (Hulyo 8) na ang adlaw nga takdang iapod-apod ang ayudang bugas para sa mga kwalipikadong panimalay sa Barangay BATINGUEL. Dili karung Lunes nga maoy unang napahibalo. .

Samtang natapos na ug hatag sa ayudang bugas ganinang Sabado sa buntag ang mga tinugyanan sa buhatan ni Mayor Ipe Remollo dinha sa CADAWINONAN uban sa mga opsiyales sa barangay pinanguluhan ni Kapitan Jimmy Tabada.

Matud ni Mayor Ipe Remollo ang tag 25 kilos nga bugas gikan sa kagamhanang siyudad kini isip tabang karung panahon sa krisis tungod sa COVID-19.

Gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.

Kadto lamang mga panimalay diin walay miyembro ang naapil sa Social Amelioration Program or SAP o kaha UCT ang takdang modawat sa ayudang bugas gikan sa kagamhanang siyudad.