Sugod karung adlawa, Lunes, gibuksan ug balik ang tempurahan ug masahian dinha sa Rizal Boulevard subay sa pagtugot ni Mayor Ipe Remollo karun nga ang siyudad og lalawigan gipailalom na sa Modified General Community Quarantine o MGCQ.

Matud ni City Sectoral Desk Officer Albert Aquino gitugotan ang mga tindera sa tempurahan nga maninda dinha dool sa Beach Volleyball Courts ug mga masahista sa Dumaguete Press Club.

Apan gitataw ni Mr. Aquino nga take-out lang ang gitugot sa tempurahan. Samtang kinihanglan nga magsul-ob kanunay ug face masks og face shields ang mga tempura vendors ug masahista; mag social distancing ug kanunay mogamit ug alcohol ug sanitizer para mas luwas batok COVID-19.

Kanunay imonitor sa buhatan sa Sectoral Desk ang mga aktibidades sa tempurahan ug masahian para masiguro nga masunod ang mga protocols sa City Inter-Agency Task Force on Emerging Infectious Diseases.