Mga panimalay sa tulo ka barangay (CADAWINONAN, BATINGUEL UG BAGACAY) diin walay miyembro ang naapil sa Social Amelioration Program or SAP o kaha UCT ang takdang modawat sa ayudang bugas gikan sa kagamhanang siyudad.

Matud ni Mayor Ipe Remollo ang tag 25 kilos nga bugas gikan sa kagamhanang siyudad kini isip tabang karung panahon sa krisis tungod sa COVID-19.
Mao kini ang takdang adlaw para sa tulo ka barangay:

Sabado – CADAWINONAN
Lunes – BATINGUEL
Martes – BAGACAY

Ganinang Biernes sa buntag giapod-apod sa mga tinugyanan sa buhatan ni Mayor Remollo ang ayudang bugas dinha sa BAJUMPANDAN uban sa mga opsiyales sa barangay pinanguluhan ni Kapitan Crispin Patrimonio.

Gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.