Mga kwalipikadong residente sa Barangay BANTAYAN ang takda nga modawat sa tag 25 kilos nga bugas kada panimalay ugmang adlawa Miyerkules.

Kining ayuda alang lamang sa mga panimalay diin walay miyembro ang kanhi naapil sa Social Amelioration Program or SAP o kaha UCT.

Matud ni Mayor Ipe Remollo ang tag 25 kilos nga bugas gikan sa kagamhanang siyudad kini isip tabang karung panahon sa krisis tungod sa COVID-19.

Mga tinugyanan sa buhatan ni Mayor Remollo ang mag apod-apod sa ayudang bugas dinha sa BANTAYAN uban sa mga opsiyales sa barangay pinanguluhan ni Kapitan Nerio Grapa.

Gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.