Ang mga kwalipikadong residente sa Barangay Motong ang takdang modawat sa tag 25 kilos nga ayudang bugas gikan sa kagamhanang siyudad ugmang adlawa.

Mga tinugyanan sa buhatan ni Mayor Ipe Remollo ang nangulo sa pagpang apod-apod sa tag 25 kilos nga bugas kada panimalay uban sa mga opisyales sa barangay gipangulohan ni Kapitan Dionie Amores.

Ganinang buntag mga residente sa Barangay Cantil-e ang nakadawat sa ayudang bugas nga dinha gi apod-apod sa ilang covered court.

Subling gitataw nga kadto lamang mga panimalay nga walay miyembro nga naapil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa tag 25 kilos nga ayudang bugas.

Samtang kini ang talaan sa mga Barangay nga takda nga modawat sa ayudang bugas gikan sa siyudad:

Motong – Biyernes
Balugo ug Poblacion 2 – Sabado
Camanjac – Domingo

Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.