Takdang modawat sa hinabang nga tag 25 kilos nga bugas gikan sa kagamhanang siyudad ang matag kwalipikadong panimalay sa Barangay MANGNAO ugmang adlawa, Miyerkules.

Matod ni Mayor Ipe Remollo kini nga ayuda alang sa mga naapektohan niining krisis tungod sa COVID-19. Hinoon para lamang kini sa mga panimalay nga walay miyembro nga naapil sa Social Amelioration Program (SAP) ug Unconditional Cash Transfer (UCT).

Nahatag na usab ang hinabang nga bugas ngadto sa mga kwalipikadong lupyo sa POBLACION 5 ug Barangay TABUC-TUBIG. Samtang mga kwalipikadong residente sa POBLACION 7 ang takdang hatagan sa 25 kilos nga bugas karung adlaw sa Biernes.

Subling gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.