Ang mga residente sa Barangay CAMANJAC ang nakadawat ganinang Domingo sa buntag sa tag 25 kilos nga bugas kada panimalay gikan sa kagamhanang siyudad sa Dumaguete pinangulohan ni Mayor Ipe Remollo isip ayuda karung panahon sa krisis tungod sa COVID-19.

Mga tinugyanan sa buhatan ni Mayor Remollo ang nangulo sa pagpang apod-apod sa ayudang bugas uban sa mga opisyales sa barangay gipangulohan ni Kapitan Virginia Alcancia.

Samtang kini ang talaan sa mga Barangay nga takda nga modawat sa ayudang bugas gikan sa siyudad:

Lunes- POBLACION 5 UG POBLACION 7
Martes – TABUC-TUBIG
Miyerkules – MANGNAO

Subling gipasabot nga kini nga hinabang para atong mga panimalay nga walay miyembro nga kadawat sa Social Amelioration Program (SAP) ug Unconditional Cash Transfer (UCT).

Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.