Hapsay ang hataganay sa ayudang bugas gikan sa kagamhanang siyudad ngadto sa mga kwalipikadong residente sa Barangay MOTONG karung adlaw nga Biernes dinha sa ilang covered court.

Samtang ugma, adlaw nga Sabado, mga residente na usab sa Barangay BALUGO ug POBLACION 2 ang takdang modawat sa tag 25 kilos nga ayudang bugas kada panimalay isip tabang sa kagamhanang siyudad gipangulohan ni Mayor Ipe Remollo taliwala sa krisis karung panahon tungod sa COVID-19.

Kining lima (5) ka mga barangay ang takda nga modawat sa ayudang bugas:

Domingo – CAMANJAC
Lunes- POBLACION 5 UG POBLACION 7
Martes – TABUC-TUBIG
Miyerkules – MANGNAO

Subling gipahinumduman ang mga residente nga kadto lamang mga panimalay nga walay miyembro nga apil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa ayudang bugas.

Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.