Andam na ang mga tinugyanan sa buhatan ni Mayor Ipe Remollo nga moa pod-apod sa tag 25 kilos nga bugas matag panimalay sa lima ka barangay sugod ugma hangtod Domingo.

Kini tungod kay natapos na ug pag verify ang listahan niining mga mosunod nga barangay:

CANTIL-E – Huwebes
Motong – Biyernes
Balugo ug Poblacion 2 – Sabado
Camanjac – Domingo

Nahatag na usab ang ayudang bugas ganinang adlawan sa Poblacion 3 ug niadtong Martes sa Poblacion 4.
Subling gipahinumduman ang mga residente nga kadto lamang mga panimalay nga walay miyembro nga apil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa tag 25 kilos nga ayudang bugas taliwala ning krisis tungod sa COVID-19.