Nahuman ganinang adlawa ang pagpanghatag ug ayudang bugas gikan sa kagamhanang siyudad dinha sa Barangay Buñao.

Mga tinugyanan sa buhatan ni Mayor Ipe Remollo ang nangulo sa pagpang apod-apod sa tag 25 kilos nga bugas kada panimalay uban sa mga opisyales sa barangay gipangulohan ni Kapitan Gina Ablay.
Kadto lamang mga panimalay nga walay miyembro nga naapil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa tag 25 kilos nga ayudang bugas.
Samtang kini ang talaan sa mga Barangay nga takda nga modawat sa ayudang bugas gikan sa siyudad:

POBLACION 4 – Martes
POBLACION 3 – Miyerkules
CANTIL-E – Huwebes
Motong – Biyernes
Balugo – Sabado
Camanjac – Domingo

Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.