Mga residente sa upat ka mga barangay ang nakatakda nga modawat sa ayudang bugas nga tag 25 kilos kada panimalay:

BUÑAO – Lunes
POBLACION 4 – Martes
POBLACION 3 – Miyerkules
CANTIL-E – Huebes

Matud ni Mayor Ipe Remollo tibook adlaw ganina (Sabado) dinha sa Barangay TALAY nanghatag sa ayudang bugas ang mga tinugyanan sa iyang buhatan uban sa mga opisyales sa barangay pinangulohan ni Kapitan LILIA BATALAN.

Apan kadtong lamang mga panimalay nga walay miyembro nga apil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa tag 25 kilos nga ayudang bugas taliwala ning krisis tungod sa COVID-19.

Subling gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.