Natapos karung adlawa ang pagpanghatag sa tag 25 kilos nga bugas dinha sa BARANGAY PULANTUBIG nga gikan sa kagamhanang siyudad sa Dumaguete ubos sa pagpangulo ni Mayor Ipe Remollo isip ayuda taliwala sa krisis tungod sa COVID1-9.

Mga tinugyanan sa buhatan ni Mayor Remollo ang nangulo sa pagpanghatag sa ayudang bugas gitabangan sa mga opisyales sa Barangay pinangulohan ni Kapitan Ricric Patula.

Apan kadtong lamang mga panimalay nga walay miyembro nga naapil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa tag 25 kilos nga ayudang bugas.

Tulo ka barangay ang nakatakda nga hatdan sa ayudang bugas niining mga adlawa:

TALAY – Sabado
BUÑAO – Lunes
POBLACION 4 – Martes

Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.