Turno ganinang hapon sa mga residente sa Poblacion 8 nga modawat sa tag 25 kilos nga bugas matag panimalay isip ayuda gikan sa kagamhanang siyudad sa Dumaguete.

Matud ni Mayor Ipe Remollo kadtong mga panimalay nga walay miyembro nga naapil ug dawat sa Social Amelioration Program (SAP) ug Unconditional Cash Transfer (UCT) ang kwalipikadong nga modawat sa tag 25 kilos nga ayudang bugas.

Base sa schedule mao kini ang sunod nga mga barangay ang manghatag sa tag 25 kilos nga bugas:

CANDAU-AY – Huebes
PULANTUBIG – Biernes

Mga empleyado sa Opisina sa Mayor ang nihatag sa ayuda inubanan sa mga opisyales sa Poblacion 8 pinangulohan ni Kapitan Maelyne Rose Mariano.

Samtang mga residente sa ubang barangay maghulat lang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayudang bugas human mapinal ang lista sa mga panimalay nga kwalipikadong hatagan.