Nagpadala ug ayudang bugas ug pagkaon si Mayor Ipe Remollo para sa mga residente sa Malangsuba ganihang hapon isip ayuda sa mga pamilya nahimutang didto.

Gidawat ni Kapitan Vincent Perigua ang ayuda nga gikan sa buhatan ni Mayor Remollo og Mercury Drug.

Samtang nibisita usab karung adlawa si City Health Officer Maria Sara B. Talla ug mga nurses sa mga panimalay dinha sa Malangsuba lakip na ang Sitio Dapdap para sa konsultasyon ug pahibalo unsaon panalipdan nila ang kaugalingon batok COVID-19. Nanghatag usab sila ug mga bitamina ug tambal ilabi na para sa mga bata.

Gitataw ni Dr. Talla para proteksyon batok COVID-19 kanunay limpyohan ang palibot, hinloan ang mga panimalay, kanunay maghugas ug kamot, mag sul-ob ug face masks ug kung mahimo magpondo lang sa ilang mga balay.

Hangtod karun ga imbestiga pa ang Provincial Inter-Agency Task Force giapangulohan ni Dr. Liland Estacion para mabal-an kung asa posibleng natakdan ang nipositibo ang usa ka residente sa Malangsuba nga gikan gipagawas sa Negros Oriental Provincial Hospital COVID-19 ward.