Human sa mga masahista, manindahay ug porter, dul-an 900 ka mga drayber ug MCH o pedicab ang makadawat sa tag P 2, 500 nga hinabang gikan sa kagamhanang siyudad sa Dumaguete ugma, adlaw nga Sabado, dinha atubangan sa City Treasurer’s Office.

Matud ni Mayor Ipe Remollo kini nga ayuda gihatag ngadto sa mga drayber nga naapektohan ang panginabuhian tungod sa COVID-19 diin napugsan nga moundang ug pamasahero tungod sa gipahamtang nga Enhanced Community Quarantine og sa karun nga General Community Quarantine tibook lalawigan sa Negros Oriental.

Ang pwede nga makadawat sa ayuda nga P 2, 500 gikan sa siyudad mao katong mga drayber nga miyembro sa mga asosasyon nga rehistrado sa Sectoral Desk Office gipangulohan ni Mr. Albert Aquino.

Samtang kadtong nakadawat na ug ayuda gikan sa Social Amelioration Program or SAP dili na pwedeng apilon.
Pormal nga ipahibalo sa Sectoral Desk Office ug mga opisyales sa mga asosasyon kung kinsa ang angayan nga makadawat.

Mga miyembro sa asosasyon gi-awhag nga moadto ugma didto sa:

CALINDAGAN COVERED COURT – (ADTODA, ALTODA, BACANTRODA, PUMODA, BACODA, BAPODA, BATRIDA, CALMADA, CATODAI, DDRA, DUCALTODA, DUCATODA, DC-INTRANS, DUMRODA)

TINAGO COVERED COURT – (DUNOTODA, DUSAMODA, DUTRANSCO, D-TODA, DUTODA, HAYAHAY, LDT-MULA, MEDUTODA, NEGORTODA, ND-MOTOR, TATODA, TCD, URTODA)

MANGNAO COVERED COURT – SODUCROTIDA
Adunay bus nga mohatod sa mga benepisyaryo gikan sa covered courts ngadto sa City Treasurer’s Office dinha sa Burgos Street kinihanglan nga mogamit ang tanang ug face masks.

Kung adunay mga pangutana moadto lang sa opisina sa Sectoral Desk.

Samtang ang mga manindahay, masahista ug porter dinha sa pantalan ang nakadawat na sa hinabang gikan sa siyudad Biernes sa hapon.