Gatosan ka mga drayber sa pedicab nga miyembro sa mga asosasyon nga rehistrado sa Sectoral Desk Office ubos ni Mr. Albert Aquino ang nakadawat sa ayuda gikan sa kagamhanang siyudad sa Dumaguete ganinang hapon.

Matud ni Mayor Ipe Remollo ang tanang kwalipikadong drayber gihatagan ug tag P 2, 500 kada usa isip ayuda tungod sa COVID-19 nga nakaapekto sa ilang panginabuhian kay gipaubos ang siyudad ug probinsiya sa Enhanced Community Quarantine ug General Community Quarantine.

Ang mga drayber kini gibahig dinha sa Calindagan Covered Court, Tinago Covered Court ug Mangnao Covered Court para mas hapsay ang paghatod kanila didto sa City Treasurer’s Office dinha sa Burgos Street. Gipasakay ang mga benepisyaryo sa mga bus nga gikan sa Siyudad ug gipaulos sa Vallacar Transit ug Negros Oriental State University.