Mga opisyales sa barangay sama dinha sa Looc, Candau-ay ug Cadawinonan giandam na ang bugas hinabang gikan sa kagamhanang siyudad para sa kada panimalay sa ilang nasakupan.

Kini na ang ikaduhang hinabang nga bugas nga gikan sa LGU Dumaguete nga gipaagi sa mga kugihan nga opisyales sa barangay diin gibana-banang matapos ug hatag sunod semana.

Tugon ni Mayor Ipe Remollo sa mga opisyales sa barangay nga tagaan ug tag 5 kilos ang kada panimalay isip ayuda karun sa krisis tungod sa COVID-19.

Samtang ang shipment sa dugang suplay sa bugas moabot na sa mga sunod nga adlaw. Matud ni Mayor Remollo ang ikatulong hataganay ug bugas kini tag 25 kilos na kada panimalay. Apan prayoridad tagaan katong mga panimalay nga wala naapil sa hinabang gikan sa Social Amelioration Program (SAP).