Gasugod na ug apod-apod ug tag 5 kilos nga bugas sa kada panimalay gikan sa kagamhanang siyudad ang mga opisyales sa ubang barangay para dugang ayuda panahon ning krisis.

Matud ni Mayor Ipe Remollo nigahin og pondo ang kagamhanang siyudad para sa 35, 000 ka panimalay sa 30 ka mga barangay isip ikaduhang hugna sa hataganay ug ayudang bugas.

Ang gidaghanon sa panimalay or households kada barangay basi kini sa gihatag nga numero sa mga barangay officials.

SAMTANG giklaro ni Mayor Remollo nga prayoridad nga tagaan sa umalabot nga tag 25 kilos nga bugas kadtong mga panimalay nga wala naapil sa Social Amelioration Program (SAP) ug Unconditional Cash Transfer (UCT). Gipaabot palang nga mahatod na ang suplay sa bugas sa moabot nga mga adlaw.

Nikuha na sa ilang suplay sa bugas mao ang Barangay TALAY, POBLACION 3, MOTONG, POBLACION 6, BANILAD, POBLACION 5, CADAWINONAN, POBLACION 7 ug BANTAYAN.

Sa miaging adlaw nakakuha na usab gikan sa bodega ang POBLACION 8 ug ang POBLACION 1 (TINAGO) og gani gasugod na balay-balay og hatag sa ayudang bugas.