Pito na ka barangay ang nikuha na sa ilang alokasyon sa bugas nga gihatag sa siyudad para iapod-apod sa kada panimalay.

Matod ni Mayor Ipe Remollo kini ang ikaduhang hatag ug konsumong bugas gikan sa pondo sa kagamhanang siyudad ug gipaagi sa mga Kapitan sa mga barangay.

Gipahinumduman ni Mayor Remollo ang mga opisyales sa barangay nga hatagan ang kada panimalay, dato man o pobre, ug tag 5 kilos nga bugas isip dugang ayuda niining krisis sa COVID 19 ilabi na kadtong nisanong sa Stay-at-Home Policy.

Ganina nikuha na sa ilang alokasyon sa bugas mao ang Barangay TALAY, POBLACION 3, MOTONG, POBLACION 6 ug BANILAD.

Sa miaging adlaw nakakuha na usab gikan sa bodega ang POBLACION 8 ug ang POBLACION 1 (TINAGO) og gani gasugod na balay-balay ug hatag sa konsumong bugas.

Niadtong unang hugna tag lima ka kilo kada balay ang gigahin sa siyudad ug karun sa ikaduhang higayon laing 5 ka kilo ang ihatag kada balay.