Andam na ang suplay sa bugas nga gikontrata sa kagamahanang siyudad nga ihatag sa kada balay karung sunod semana.

Matud ni Mayor Ipe Remollo kini ang 2nd round nga ayuda sa tag 5 kilos nga bugas gikan sa siyudad nga ipaagi sa mga opisyales sa barangay. Dugang ni Mayor Remollo hatagan ang kada bubong ilabi na ang mga gakalisod ug bugas para walay maabot napod nga reklamo sa iyang buhatan.

Kung itandi sa 1st round, gidugangan ang alokasyon sa barangay basi sa hangyo sa kada Barangay Kapitan para maapod ang mga panimalay ug bugas.

Inig kahuman sa panghatag ug SAP, plano usab sa siyudad nga tagaan ug labing menos 25 kilos, ubos sa Equalization Fund, ang kada bubong nga wala nakadawat sa SAP ug katong dili maapil sa ayuda nga tag P 2, 500 para sa mga tricycle drayber, masahista, kargador, tempura vendors nga accredited dinha sa Sectoral Desk.

Tiwason usa ang pagpanghatag sa SAP una ipadayun ang pag apod-apod sa dugang konsumo para sa mga panimalay.