Giawhag ang katawhan nga kanunay mag-amping ug molikay sa mga tapok-tapok ilabi na karun nga nabalik na ang Negros Oriental ug Dumaguete City sa General Community Quarantine human sa Enhanced Community Quarantine (ECQ).

Matud ni Mayor Ipe Remollo, bisan pa kung gisaway siya sa uban kaniadto, apan istrikto niyang gipatuman ang ECQ para mapakgang ang pagkuyanap sa COVID-19 dinhe sulod sa siyudad. Ug malipayon siya nga luwas ang siyudad.

Busa karun nga GCQ na ang Dumaguete, apelar ni Mayor Remollo sa katawhan nga sundon ang tambag sa mga doktor nga kung mahimo stay-at-home lang kita, kanunay mogamit ug face masks, mag social distancing ug kanunay maghugas ug kamot.

Credits to Bhoy Jubane Pilongo