Mga 3, 085 ka kwalipikadong residente sa siyam ka barangay ang turno nga modawat sa ayuda gikan sa Social Amelioration Program (SAP) karung Biernes.

Kini mga residente sa Barangay BATINGUEL, DARO, JUNOB, POBLACION 4 ug CANDAU-AY nga naa sa listahan dinha giposting na sa mga barangay halls nila.

Samtang laing batch gikan sa Barangay TALAY, BANTAYAN, CANTIL-E, CADAWINONAN ug PIAPI ang takda usab nga motiwas ug dawat sa SAP ugma.

Mando ni Mayor Ipe Remollo nga paningkamotan sa mga opisyales sa Barangay ug CSWD nga mahatagan ang tanan nga kwalipikado nga naa sa validated list ug payroll.

Pormal nga ipahibalo sa mga opisyales sa Barangay ug CSWD ang mga kwalipikadong resident makadawat sa SAP para mahatagan sila ug priority number nga kinihanglan nila para makuha ang ayuda.

Isakay ug mga bus ang mga residente gikan sa ilang mga barangay hall para hapsay ug luwas ang ilang pagkuha sa ayuda dinha sa City Treasurer’s Office sa Burgos Street.