Gatosan ka mga benepisyaryo ang nakadawat na sa ilang hinabang ubos sa Unconditional Cash Transfer sa Social Amelioration Program nga gisugdan ganinang buntag dinha sa City Treasurer’s Office.

Hugtanong seguridad ug social distancing ang gipatuman ubos sa mando ni Mayor Ipe Remollo aron dili magdugok ang tawo atol sa pagpanghatag sa hinabang.

Busa gianam-anam kini ug hatag kutob sa mahuman ug validate sa DSWD kung kinsa ang kwalipikado makadawat sa SAP.

Dugang mga pangalan nga aprobado na sa DSWD nga apil sa makadawat sa hinabang gikan SAP ang ipublikar dinha sa tagsa-tagsa ka barangay.

Busa subling gitambagan ang katawhan nga muholat sa pormal nga pahibalo gikan sa DSWD ug barangay officials kung apil ba sila sa talaan sa makadawat ug kung kanus-a ang ilang turno nga modawat sa hinabang.

Magpadayon ang pagpanghatag sa ayuda gikan sa SAP hangtod tanan nga kwalipikado mahatagan subay sa schedule nila sa barangay.