REKORIDA UG BALAY-BALAY NGA PAHIBALO KABAHIN SA COVID-19

Mga tinugyanan sa Inter-Agency Task Force COVID-19 nagpahigayun og rekorida ug balay-balay nga kampanya para makahibalo ang katawhan kabahin sa COVID-19.

Matod ni City Health Officer Ma. Sarah B. Talla, kining kalihokan isip pagsanong sa mando ni Mayor Ipe Remollo nga ipakatap ang mahinungdanon nga impormasyon para maprotektahan ilang tagsa-tagsa ka pamilya batok sa hulga sa COVID-19 diin gipaubos ang Dumaguete sa Enhanced Community Quarantine.

Tipik ug kabahin kini sa tinuig nga kampanya batok COVID-19 og dengue para pakgangon ang pagkuyanap niini sa atong komunidad.