Subling gipasidan-an ni Mayor Felipe Antonio Remollo ang mga kapulisan ug taga Traffic Management Office kinsa nagdumala sa mga checkpoints nga susihon ug maayo ang mga kargamento ug pahinante sa mga trak de karga para dili malusutan ug mga tawo gikan sa laing lungsod o taga Sugbo.

Matod pa ni Mayor Remollo dili abi kay nagtangag ug karatula sama sa “Delivery of Basic Goods Do Not Delay” pasabot dili na kini parahon ug inspeksiyonon sa mga checkpoints.

Kinihanglan susihon ug pag-ayo ang mga trak de karga kay basin adunay nag-smuggle og mga tawo para sekrito nga makasulod sa siyudad. Gipaubos sa extended ECQ ang tibook probinsya hangtod Abril 30.