(By Mr Jaypee Lao, Banat News/Freeman)

Nitambong si Mayor Felipe “Ipe” kauban si President Rodrigo Roa Duterte ug laing mga kadagkoan sa nasud para isaulog ang joint birthday party sa iyang suod nga higala ang managtiayon nga Philippine Sports Commissioner Mon Fernandez og Karla Kintanar-Fernandez niadtong Huebes sa gabie sa Highlands Steakhouse sa Manila.

Ang maong selebrasyon gisalmotan sa labing inila ug importanteng personalidad sa nasud lakip na sa mga dagkong opisyales ug mga tigpapatigayon.

Ang magtiayung Fernandez suod nga higala ni Presidente Duterte, Senador Bong Go, Executive Secretary Bingbong Medialdea ug sa pamilyang Cayetano.

Atol sa maong panagtigum, nahimamat sab ni Mayor Remollo ang tag-iya sa Chinatown TV nga si Lolita Ching ug Louella Ching-Chan, sila ang tag-iya sa “longest running Chinese show,” samtang tungod sa maong panag ila nila, malipayung ipaambit kaninyung tanan sa Mayor nga i-pasundayag nila sa ilang television channel ang Dumaguete!

Nakauban pod ni Mayor Remollo sa VIP table si Hans Sy, ang tag-iya sa SM Malls ug ang Filipino-businessman nga si Mr. Stephen Techico kansang aktibo sab sa Tourism Industry. Ang iyang negosyo nag langkob sa Uni Orient Travel, usa sa labing dako nga travel agency sa nasud. Si Techico nisaad sab nga mo mugna og makapakugang nga proyekto sa Dumaguete.

Sa laing bahin, aduna nay “initial talks” si Mayor Remollo ug Mr. Sy sa pagbukas og SM sa dakbayan sa Dumaguete. Good news gyud kini sa mga taga Dumaguete nga naghinam hinam nang maka sinati sa serbisyo ug mga tinda sa usa sa mga nag-unang dakong mall sa nasud.

Laing nakauban sa Mayor sa maong panagtigum mao sila si Dr. Dinno Depositario ug ubang mga Dumagueteños sama nilang Court of Appeals Justice Ramon Bato, Jr., Silliman University’s President of the Board of Trustees Jun Balbido, Atty Mikhail Maxino, Phil Calumpang og Sol Calumpang.