SIYUDAD SUPAK SA PRIVATIZATION SA WATER DISTRICT KAY ANG BILL SA TUBIG MOMAHAL, MGA EMPLEYADO ILISAN

Giangkon sa Dumaguete City Water District nga motaas gyud ang bayad sa tubig kay kulang na daw ang suplay niini para sa kapin 136, 000 nga populasyon sa siyudad.

Busa kinihanglan kuno nga mosulod ang DCWD ug kasabutan tali sa MetroPac, usa ka pribado nga kompanya, para mao nay modumala sa water district ug maningil sa mga consumidor.

Apan base sa DCWD, kini adunay income nga P 211 milyon ug mga kabtangan balor ug P284 milyon. Ang DCWD adunay net income nga P21.4 milyon. Apan matud pa sa DCWD kulang pa kini para molahutay ang operasyon.

Dili man kaha alkanse ang DCWD kay maayo ang management kinihanglan pa ba diay nga iprivatize sulod sa 25 ka tuig?

Ang nakapait kay kung ang MetroPac na ang modumala sa water district puede na kining mopasaka sa mga balayran, matangtang o mapulihan ang mga empleyado nga nagserbisyo karun.

Busa supak si Mayor Ipe Remollo ug ang Konseho sa siyudad nga ipadayun ang privatization ilabi na kay wala maconsulta ang katawhan ug kagamhanan.