Tungod kay naabot na ug anam anam ang mga materyales, nagpadayun na karun ang pag-ayo sa mga river dikes ug box culvert nga taytayan nga nabanlas atol sa nilabay nga mga bagyo.

Kini human gi-aprobahan sa Konseho ang P 14.5 million nga budget ni Mayor Felipe Antonio Remollo.

Sa pagkakarun ang mga materyales inay nga nangabot kini gipadapat na sa mga naapektohan nga dikes.

Apan tungod kay moagi pa ug subasta or bidding ang tanang materyales nga pamaliton ug limitado pa usab ang mga heavy equipment nga magamit tungod kay naa pod mga gapadyun nga proyekto sa mga kabarangayan mao nga hinaot magpasensya usa kita kay gilihok man pod kini sa mga tinugyanan nato sa City Engineer’s Office.

Gihulat napod nga madeliver na sa siyudad ang dugang polo (10) ka brand new heavy equipment sama sa mga bulldozer, payloader, truck, grader, excavator ug uban pa.

Ang kasagaran nga heavy equipment nga gigamit karun mao pa kadtong mga pinalit ni Mayor Ipe Remollo sa kanhi niya termino diin hangtod karun bisan ug kapin 14 na ka tuig ang nilabay nagamit ug napuslan pa gihapon sa siyudad para sa mga proyekto niini lukop kabarangayan.

Hinaot masabtan sa katawhan nga bisan sa taas nga proseso sa gobyerno para mapadapat ang mga proyekto apan kinihanglan nga sundon kay mao kana ang pamaagi nga gisunod pinasubay sa balaod.

Daghang Salamat.